Palestra em Biologia-USC. O galego na ciência

Março 2010

O dia 4, na faculdade de Biologia, organizamos umha palestra cujo título é bem indicativo: "O galego, extenso e útil, também na ciência". Com este argumento principal, daremos voz ao doutor em biologia, professor de traduçom em Vigo, e presidente da Comissom Lingüística da AGAL, Carlos Garrido.
 
O professor acudirá a Compostela a intervir dentro da nossa campanha pola língua. Estamos a incentivar os encontros e palestras para que o alunado poda ter voz, participando organizadamente na resposta nacional ao espanholismo do PP, e contando também com a participaçom de personalidades do mundo escolar que reivindiquem um espaço próprio para o galego sem dependências de nengumha classe, tampouco normativas.
 
Dentro deste pulo, a nossa aposta estratégica no reintegracionismo e o monolingüismo quer reivindicar-se no espaço científico-académico. A faculdade de Bilogia da USC é o espaço idóneo para achegar-nos a uns estudos em que a nossa língua goça dumha marginalizaçom extrema, em que os conhecimentos som expressa e invariavelmente transmitidos em espanhol... deixando ao léu o galego como língua de andar por casa e inútil em determinados ámbitos do saber.
 
Por isso, porque o galego existe no mundo como ferramenta de acesso à ciência, queremos fazer umha pequena introduçom a esse desconhecido mundo. Existe e reivindicamo-lo.
 
Quinta-feira dia 6, na Sala 4 a partir das 19,30 horas!