Convocatórias de resposta à criminalizaçom do estudantado

Fevereiro 2008

A Assembleia Geral de Estudantes da USC determinou, em reuniom extraordinária quinta-feira passada, convocar dous actos imediatos de mobilizaçom na USC para responder à criminalizaçom das acçons estudantis dentro da Universidade.

O grau mais elevado de intoleráncia com a liberdade do estudantado a mobilizar-se e trasladar as suas protestas aos Cámpus, viveu-se com a espectacular montagem arredor da visita de María San Gil à Faculdade de Económicas e Empresariais. A nossa organizaçom foi assinalada polo poder mediático e sobmetida a um inédito acoso que pujo nomes e apelidos a supostos "agressores", "amigos de terroristas", "extremistas" e outras barbaridades para facilitar os golpes policiais que a seguir se produziriam.

Ainda, até cinco estudantes da USC fôrom postos a disposiçom judicial, quatro deles após passarem polos calabouços da polícia espanhola. Acusados de injúrias, ameaças, desordens públicas e atentado sem mais provas que um tremendo barulho manipulador, estám encausados junto com mais duas pessoas, também estudantes da USC, que a polícia se abstém de deter para evitar cometer o ridículo de pô-los ante os julgados quando é sabido que nom estavam presentes o dia do boicote a María San Gil.

Rolda de imprensa

Terça-feira 26, às 12 da manhá, a Assembleia Geral exporá aos meios de comunicaçom umha denúncia escrita dos factos acontecidos, consensuada polo estudantado mais consciente e combativo da Universidade.

Concentraçom

Na mesma rolda de imprensa dará-se cumprida informaçom da concentraçom, na Praça do Toral, que segundo AGIR pode conhecer a través da nossa participaçom nesta Assembleia, terá lugar quarta-feira 27, às 20 horas.

De AGIR chamamos o estudantado a participar em ambos actos, para manifestar um pulo de unidade como necessária reacçom perante a intimidaçom e o estado de alarma gerado na Universidade por umha Reitoria incompetente, Decanatos e professorado fascista disposto mesmo a perder a paciência porque se nos expulse, e meios de intoxicaçom ao serviço dumha Universidade a mercantilizar com a maior calma possível.

Paremos os pés ao fascismo na Universidade!