|
|||||||||
|
Mais umha crise: USC recorta pessoal de PROSEGUR
Janeiro de 2007 Membros do corpo repressor PROSEGUR andam a repartir estes dias pola Universidade de Santiago de Compostela panfletos reivindicativos sobre os seus direitos laborais. Tudo, a conseqüência do recorte do quadro de pessoal a efectuar em breve por ordem da Reitoria de Senén Barro. No texto, que reproduzimos na íntegra afinal, as unidades de seguridade privada da USC fam um apelo à solidariedade da comunidade universitária, anunciando mobilizaçons para as datas vindouras. Mais um problema engadido para a Reitoria. De AGIR, perante este singular acontecimento, queremos fazer notar algumhas consideraçons: - O estudantado independentista nom reconhece as forças repressoras ao serviço do capital, do Estado espanhol, nem de nengumha entidade pública ou privada cuja finalidade seja pôr baixo cerco e vigiláncia estreita o estudantado. Nem precisamos desta pretensa protecçom, nem acreditamos no seu papel benefactor de "anjos da seguridade". - A empresa PROSEGUR, vencelhada ao ultradireitista espanhol Mayor Oreja, exerce dentro dos Cámpus galegos um labor desprezável. Além da responsabilidade que a empresa tem em agressons leves a estudantes independentistas, o seu negócio supom um custo desnecessário e atentatório contra a conceiçom da Universidade como terreno de liberdade. - A Reitoria da USC, sempre tam preocupada pola farsa da segurança no interior dos Cámpus, semelha nom poder ocultar a problemática eminentemente económica por trás desta determinaçom que, de resto, nom lhe favorece publicamente. A adopçom desta medida é mais um sintoma da crise económica do Sistema Universitário Galego, posto à venda e de rebaixas nesta altura. - Congratulamo-nos, por outra banda, da higiénica decissom da Reitoria. De certo que nom é pola sua vontade que recebemos umha notícia como esta. - Achamos de resto que a USC, ou no seu defecto a administraçom autonómica, deveriam encarregar-se de facilitar um posto de trabalho digno na nossa terra aos futuros despedidos, aos quais tivo até hoje atados como seqüazes ao serviço dos interesses das elites universitárias. A crise económica na Universidade continua!! ATENCIÓN DA COMUNIDADE UNIVERSITARIA A USC preve realizar unha reducción moi importante do servizo de seguridade que suporía a perda de moitos postos de traballo. Esto, ademais de ser rexeitabel socialmente por afectar a estabilidade en moitos traballadores, supon tamen maior inseguridade nos campus e por en perigo a conservación do rico patrimonio da Universidade mais importante do Pais. Os traballadores imos a tomar medidas na lexitima defensa dos nosos postos de travallo polo que queremos pedirvos desculpas anticipadamente por aquelas molestias que poideramos ocasionar, asi como pedirvos o voso apoio. Unha das medidas que acordamos inicialmente foi a de facer unha concentración diante do Reitorado o Mércores día 24 de xaneiro ás 12:00h á que podes acudir solidarizandote asó con nós e amosando a túa disconformidade coa reducción da seguridade na USC. NON Á PERDA DE POSTOS DE TRABALLO |
||||||||
 |
|||||||||
