|
|||||||||
|
Dia da Pátria 2012
Julho de 2012 Mais umha vez o povo trabalhador galego esta na véspera da celebraçom do Dia da Pátria. Nesta ocasiom, o estudantado pertencente à juventude operária e rebelde tem a oportunidade de novo de assisitir à Jornada de Rebeliom Juvenil organizada por Briga para hoje, 24 de Julho. Desde esta, convocam a umha mobilizaçom, finalmente autorizada pese aos empecilhos da reacionária e para-policial administraçom espanhola, desde as 21h00 em Porta Faxeira. Justo depois começarám os concertos organizados no Campus Sul, ao lado da Faculdade de Engenharia Química, para entrar no dia da nossa pátria pola porta grande, e que pola primeira vez som co-organizados pola nossa organizaçom. Rojo Dos, Sacha na Horta, Cuchufelhos e Vendetta animarám a juventude e estudantado inconformista que se nega a aceitar que Galiza é Espanha ou que o Capital e o Patriarcado som horizontes infranqueáveis da nossa era. Na própria jornada do 25 de Julho, a corrente política socialista e independentista na que AGIR está inserido convoca através de Nós-Unidade Popular umha mobilizaçom com um nítido caráter independentista, e com a legenda "Nem Espanha, nem Uniom Europeia, nem FMI. Independência, Socialismo e Feminismo"; e que sairá da Alameda de Compostela às 12h30. De AGIR animamos o conjunto do estudantado galego a assistir, pois só travando umha ampla luita de massas de caráter popular e estratégico, os direitos do estudantado poderám ser atingidos e garantidos.
|
||||||||
 |
|||||||||
