Conselheira expom processo de adaptaçom ao EEES na Galiza

Abril 2008

A conselheira de educaçom do governo autonómico PSOE-BNG confirmou que para o curso universitário que vem, 2008-09, som cinco as carreiras que modificarám a sua estrutura actual e se adaptarám ao Processo de Bolonha como Graus. Em concreto, duas na Udc: Sociologia e Terápia Ocupacional; duas na USC: Políticas e Matemáticas; e umha na UdV: Belas Artes.

Laura Sánchez Piñón expujo no parlamentinho galego a evoluçom do Sistema Universitário Galego quanto à sua tardia adaptaçom ao EEES, vendendo porém o consenso como pilar essencial do processo.

Consenso? Nom será entre um estudantado cujos únicos movimentos, quando os houvo, fôrom para censurar abertamente a ocultaçom, a manipulaçom e a falta de protagonismo.

No total do conjunto do Estado, som 207 as carreiras que já apresentárom a sua proposta de adaptaçom consoante com o Processo de Bolonha. Na Galiza, o curso próximo servirá para relançar maciçamente o processo de novas titulaçons, alcançando por palavras da conselheira até 80% do conjunto para 2009-2010, enquanto o restante deverá aguardar até esse curso para poder entrar no derradeiro 2010-2011 com os Graus implantados.